Өнөө өглөө үүрээр Энхтайваны гүүрнээс автомашин унаж осолдсон зам тээврийн ноцтой осол гарсан талаар бид өмнө мэдээлсэн. 

Тодруулбал, Цагдаагийн байгууллагад энэ оны 06 дугаар сарын 16-ны өдрийн 06.00 цагийн орчимд ХУД-ийн 2 дугаар хороо Энхтайваны гүүрэн дээрээс машин унасан гэх дуудлага мэдээлэл бүртгэгдсэн байна. 

Уг дуудлагын дагуу шалгахад Toyota Alphard маркийн тээврийн хэрэгслийн жолооч нь согтуу (согтолтын зэрэг 1.38)-гаар тээврийн хэрэгсэл жолоодож яваад гүүрнээс автомашинтайгаа унаж гэмтсэн байна. 

Ослын шалтгаан нөхцлийг тодруулах ажиллагаа үргэлжилж байна.