Олон Улсын хүүхдийн эрхийг хамгаалах өдрийг тохиолдуулан 42 жилийн түүхт Хүнсний манлай үйлдвэр "Талх Чихэр"ХК нийгмийн хариуцлагын хүрээнд Хөгжлийн бэрхшээлтэй хүүхдийн сэргээн засах хөгжлийн төвд зүрхний цахилгаан бичлэгийн аппарат бэлэглэлээ.

Тус хандив нь хүүхдүүдийн эрүүл мэндийн тусламж үйлчилгээний чанар, хүртээмжийг сайжруулж, зүрх судасны эмгэгийг эрт илрүүлэх, оношлох боломжийг нэмэгдүүлэх ач холбогдолтой юм.

“Талх Чихэр” ХК нь хүүхэд багачуудын эрүүл, аюулгүй орчинд өсөж хөгжих эрхийг дэмжих нийгмийн хариуцлагын үйл ажиллагааг тогтмол хэрэгжүүлдэг бөгөөд цаашид ч хүүхдийн эрүүл мэнд, боловсролын чиглэлд бодит хувь нэмэр оруулсан сайн үйлсээ үргэлжлүүлэх болно.