БНХАУ-ын иргэн ӨРӨӨ АВАХЫН тулд хүмүүст захиалга өгч, бусдыг айлган сүрдүүлэн 2 үл хөдлөх эд хөрөнгийг шилжүүлэн авсан ХЭРЭГ гарчээ. Тус хэргийг Нийслэлийн прокурорын газраас өнгөрсөн 7 хоногт  анхан шатны шүүхээр шийдвэрлүүлжээ.

Тодруулбал, БНХАУ-ын иргэн Ч.Г нь өөрт нь өр төлбөртэй иргэнээс төлбөрөө авахын тулд 2023 оны 1 дүгээр сард нэр бүхий хүмүүст захиалга өгч, тухайн иргэний бие эрх чөлөөнд халдаж, айлган сүрдүүлж, нэр дээр нь бүртгэлтэй 2 үл хөдлөх эд хөрөнгийн өмчлөх эрхийг өөрийн нэр дээр шилжүүлэн авчээ.

Ийнхүү бусадтай бүлэглэн заналхийлсэн гэмт буруутайд тооцож шүүхээс Ч.Г-д 5 жил, 6 сарын хорих ялыг оногдуулж, нээлттэй хорих байгууллагад эдлүүлэхээр шийдвэрлэсэн байна.