2026 оны 3 дугаар сарын 9-ний шөнө охид нэгнээ зодож буй бичлэг цахим сүлжээнд тархсан. Тухайн асуудлаар цагдаагийн байгууллагаас тодруулахад "Дээрх хэрэгт 8 хүүхдийг холбогдуулан шалгаж байна. Урд өмнө дээрэлхэлтийн хэрэгт холбогдон шалгагдаж байсан, мөн өмнөх дээрэлхэлттэй холбоотой эцэг эхчүүдээс өргөдөл, гомдол, хүсэлт байгаа.

Гэмт хэрэг, зөрчил үйлдээд бичлэг хийдэг, эд зүйл, мөнгө нэхдэг үйлдлийг удирдан зохион байгуулаад байгаа 2 охин, 2 эрэгтэй хүүхэд байна. Насанд хүрээгүй хүүхдийг үл ялих зүйлээр шалтаглан дээрэлхдэг байдал урьдчилсан байдлаар тогтоогдсон.

Шалгалтын явцад зодож, үг хэлээр доромжилж, бие махбодод нь гэм хор учруулсан нь тогтоогдсон. Бэлгийн хүчирхийлэл, хүчиндэх гэмт хэргийн зөрчил тогтоогдоогүй. Хэрэв бусдын биед хүндэвтэр гэмтэл учруулсан бол 3 жилийн хорих ялтай байдаг. Хүүхдийн амь насанд хохиролтой хүнд гэмтэл учруулсан бол 5-12 жил хүртэл хорих ял шийтгэдэг” гэв.