Цаг уурын байгууллагаас монгол орны ихэнх нутгаар өнөөдрөөс хүйтний эрч эрс чангарна гэж анхааруулсан. Тэгвэл хүйтрэхтэй холбогдуулан нийслэл хотын дулаан хангамжийн хэмийг нэмэгдүүлэхээр болсон талаар "Улаанбаатар Дулааны Сүлжээ" Төрийн Өмчит Хувьцаат Компанийн ерөнхий инженер Ш.Мөнхжаргал "Маргаашнаас эхлэн дулааны бүх станцын сүлжээний халууныг 120 хэмээр ажиллаж байгааг 122 хэм болгож, нэмэгдүүлнэ.

Хоёрдугаар хэлхээний температурыг шаардлагатай газруудад 70 хүртэлх хэмээр нэмэгдүүлэхээр төлөвлөж Орон Сууцны Удирдах Газар болон орон сууцны хувийн конторуудтай горимын ажиллагаагаа зөвшилцөж байна." хэмээлээ.