Э.Тэмүүлэн,  Л.Алтан-Очир, Б.Амарсайхан нарыг мансууруулах бодис болон согтууруулах ундааны зүйл хэрэглэсэн үедээ нийтийн хэв журмыг бүлэглэн зөрчиж, хүний халдашгүй, чөлөөтэй байх эрхэд халдаж, олон нийтийн амгалан тайван байдлыг алдагдуулсан гэмт хэрэгт холбогдуулан эрүүгийн хэрэг үүсгэж яллагдагчаар татан, мөрдөн шалгах ажиллагаа явуулж байсаэ: Улмаар мөрдөн шалгах ажиллагаа дуусаж, мансуурсан үедээ бусдын биед хүнд гэмтэл учруулсан гэх Э.Тэмүүлэн, Л. Алтан-Очир, Б.Амарсайхан нарт ЯЛЛАХ ДҮГНЭЛТ үйлдүүлэхээр прокурорт хүргүүлсэн талаар бид өмнө мэдээлсэн.

Тэгвэл найзаа бүлэглэн зодож, хүнд гэмтэл учруулсан Б.Амарсайхан, Э.Тэмүүлэн нарыг шүүх хурал лхагва гаригт буюу энэ сарын 14-нд болно.

Харин одоогийн байдлаар тэдэнд  ямар зүйл ангиар яллагдагчаар татах нь тодорхойгүй байна.

Хэргийг эргэн сануулахад, “Эрэл”-ийн Эрдэнэбатын хүү Тэмүүлэн, Лувсандоржийн Алтан-Очир, "Говь" ХК-ийн гүйцэтгэх захирал Б.Амарсайхан нар 2025 оны 07 дугаар сарын 19-ний шөнө Хүүхдийн 100 орчимд хохирогч Д.Саяннямбуугийн биед халдаж, эрүүл мэндэд нь хохирол учруулсан хэрэг гарсан. Хэрэг гарангууд дүүргийн Эрүү, Иргэний хэргийн хялбар ажиллагааны анхан шатны тойргийн шүүх прокурорын хүсэлтийг хэлэлцээд Эрдэнэбатын Тэмүүлэн, Лувсандоржийн Алтан-Очир нарыг 30 хоног цагдан хорих арга хэмжээг долдугаар сарын 23-нд авсан юм. Харин Б.Амарсайхан хэрэг гарсан өдрийн маргааш гадаад руу зугтаж, есдүгээр сарын сүүлээр Тайландаас баривчилж авчирсан.