Сүүлийн үед “Таны данс руу 3 удаа нэвтрэх оролдлого хийгдсэн байна, хэрэв та нэвтрэх гэж оролдоогүй бол доорх холбоос дээр дарж баталгаажуулна уу” гэх агуулгатай хуурамч /SMS/ мессеж илгээж, иргэдийг хууран мэхлэх замаар тухайн холбоос дээр даруулан интернет банкны нэвтрэх нэр, нууц үг, баталгаажуулах код зэрэг хувийн мэдээллийг нь хууль бусаар авч иргэдийг залилах гэмт хэрэг бүртгэгдэж байна.

Иймд иргэд та бүхэн:

Танихгүй этгээдээс ирсэн холбоос, линк дээр дарахгүй байх мөн иймэрхүү хуурамч холбоос нь ихэвчлэн богиносгосон холбоос буюу (tinyurl, bit.ly гэх мэт) агуулсан байдаг.

Интернэт банкны нэвтрэх нэр, нууц үг, баталгаажуулах кодыг бусдад дамжуулахгүй байх;

Банк, санхүүгийн байгууллагаас ирсэн мэт сэжигтэй мессеж, дуудлагыг албан ёсны сувгаар нь нягтлах;

Цагдаагийн байгууллагаас иргэдийг цахим орчинд сонор сэрэмжтэй байж, өөрийн эд хөрөнгө, мэдээллийн аюулгүй байдлыг хамгаалахыг анхааруулж байна.