Төрийн албаны мерит зарчим буюу өөрийн эрдэм, хүч чадлаараа төрийн албанд томилогдох хүн цөөрсөн гэх яриа гараад удаж байна. Сүүлийн үед хэн нэгэн сайн даргын цүнхийг барьж гүйгээд л албан тушаалд томилогдох нь их болсон нь энэ яриа гарах уг суурь биз. 

Тэгвэл төрийн албаны мерит зарчмаар буюу өөрийн эрдэм, хүчээр томилогдсон нэг хүнийг нэрлэж болохоор байна. Тэр бол ШШГЕГ-ын даргаар томилогдсон, Хурандаа А.Намсаманд юм. Түүний хувьд тус салбарт олон жил ажилласан нэгэн гэдгийг хэн хүнгүй мэднэ. 

А.Намсаманд нь ажлын гараагаа Хэнтий аймгийн Цагдан хорих байрны хэв журмын тасгийн цагдаагаар эхлүүлж, тус аймгийн ШШГГ, 419 дүгээр нээлттэй хорих ангийн даргаар тус тус томилогдон ажиллаж байжээ. Хамгийн сүүлд 2022 оноос  ШШГЕГ-ын Тэргүүн дэд дарга бөгөөд Хорих ял эдлүүлэх албаны даргаар томилогдон ажиллаж байсан салбартаа туршлагатай боловсон хүчин юм.

Хэл ам их дагуулдаг, өөрчлөлт шинэчлэлт "салхи" ордоггүй энэ салбарт дотор юу болж, болохгүй байгааг олж харах хүнийг Засгийн газар олж томиллоо гэж олон хүн үзэж байна.