Цагдаагийн ерөнхий газрын Мөрдөн шалгах албаны 2025 оны үйл ажиллагааны тайлангийн хурал, шагнал гардуулах ёслолын арга хэмжээ өнөөдөр амжилттай зохион байгуулагдлаа. 

Тус хуралд Цагдаагийн ерөнхий газрын Тэргүүн дэд дарга, цагдаагийн хурандаа Б.Ганчулуун, Мөрдөн шалгах албаны дарга, цагдаагийн хурандаа П.Очбадрах,  УЕПГ-ын Хэрэг бүртгэх Мөрдөн байцаах ажиллагаанд хяналт тавих хэлтсийн ахлах прокурор Б.Батсайхан, Нийслэлийн прокурорын газрын Хэрэг бүртгэх, мөрдөн байцаах ажиллагаанд хяналт тавих II хэлтсийн дарга Г.Гэрэлтуяа тэргүүтэй удирдлагууд болон даргын зөвлөлийн гишүүд, алба, нэгж, нутаг дэвсгэр хариуцсан мөрдөн шалгах хэлтэс, тасаг, хэсгийн дарга, алба хаагчид танхимаар 198, цахимаар 654 алба хаагч тус тус оролцлоо.

Хурлын үеэр Мөрдөн шалгах албанаас 2025 онд хэрэгжүүлсэн бодлого, чиглэл, үйл ажиллагааны талаарх мэдээллийг танилцуулж, хэргийн илрүүлэлт, шийдвэрлэлтээр бусдыгаа манлайлан ажилласан “Ажил мэргэжлийн аварга алба хаагч, хамт олон”, “Шилдэг мөрдөгч” нарыг тус тус шагнаж урамшуулав.

Хурлын төгсгөлд Цагдаагийн ерөнхий газрын Тэргүүн дэд даргаас бие бүрэлдэхүүнд хандан баяр хүргэж, ажлын амжилт хүссэнээр хурлыг өндөрлүүллээ.