“Төрөөс хувийн хэвшилд шилжин ажиллахыг дэмжих” өдөрлөгийг өнөөдөр /2025.09.29/ Монгол Улсын Засгийн газрын Хэрэг эрхлэх газар, Гэр бүл, хөдөлмөр, нийгмийн хамгааллын яам, Хөдөлмөр, халамжийн үйлчилгээний ерөнхий газар, Монголын үндэсний худалдаа аж үйлдвэрийн танхим хамтран зохион байгууллаа.

Уг өдөрлөг хувийн хэвшилд дутагдалтай байгаа ажиллах хүчний хэрэгцээг хангах, төрийн албанаас хувийн хэвшилд шилжин ажиллах, төрийн албан хаагчдын хувиараа хөдөлмөр эрхлэлтиийг дэмжих зорилготойгоор анх удаагаа зохион байгуулагдлаа.

Өдөрлөгт 22 аж ахуйн нэгж, байгууллага оролцож, 1117 ажлын байр бэлэн байгааг төрийн албан хаагчдад танилцуулсан бөгөөд 300 орчим төрийн албан хаагч, иргэд оролцсон байна.

Өдөрлөгийн үйл ажиллагаанд Хан-уул дүүргийн Нийгмийн даатгалын газар оролцож, нийгмийн даатгалын хууль, тогтоомжийн талаар мэдээлэл, зөвлөгөө өгч ажиллалаа.