2025 оны арваннэгдүгээр сарын 15-нд Олон улсын ширээний теннисний холбооны (ITTF) ээлжит их хурал болж, тус холбооны шинэ удирдлагын бүрэлдэхүүн болон зөвлөл, хороодын гишүүдийг томилон баталгаажууллаа.

Энэхүү хуралд олон улсын шүүгч, Азийн ширээний теннисний холбооны тэмцээн хариуцсан удирдагч Э.Мөнхбилэг Дүрмийн хорооны 12 гишүүний нэгээр сонгогдсон нь Монголын ширээний теннисний хувьд бахархалт, түүхэн үйл явдал боллоо. Дүрмийн хороо нь 4 жилийн хугацаанд томилогддог бөгөөд дэлхийн ширээний теннисний дүрэм, журамтай холбоотой гол асуудлуудыг хэлэлцдэг хороо юм.