Улаанбаатар хотын Орон сууц, нийтийн аж ахуйн удирдах газраас ажилтан, алба хаагчидруу чиглэсэн олон сургалтыг зохион байгуулдаг.

Тэгвэл өнөөдөр Авлигатай тэмцэх газартай хамтран авлигын эсрэг үйл ажиллагааны 2025 оны төлөвлөгөөний дагуу ажилтан, алба хаагчдын авлигын талаарх мэдлэгийг нэмэгдүүлэх, авлига ашиг сонирхлын зөрчлөөс урьдчилан сэргийлэх, ёс зүй харилцаа хандлагыг нэмэгдүүлэх зорилгоор сургалт зохион байгууллаа.

Сургалтад АТГ-ын Урьдчилан сэргийлэх соён гэгээрүүлэх хэлтсийн ажилтан, комиссар М.Жамъяанчойжил, комиссар С.Баярцэцэг нар оролцож, ОСНААУГ-ын салбар, нэгжийн дарга, ахлах нягтлан бодогч, хүний нөөцийн ажилтан, борлуулалтын байцаагч зэрэг 400 гаруй ажилтанд “Ёс зүйн манлайлал, Авлига, ашиг сонирхлын зөрчлөөс урьдчилан сэргийлэх тухай илтгэл танилцуулсан юм.