Эрүүл мэндийн байгууллагын халдварын сэргийлэлт хяналт, эмнэлгийн тусламж үйлчилгээтэй холбоотой халдвараас сэргийлэх, тандах, илрүүлэх, хариу арга хэмжээ авах, эмэнд тэсвэртэй бичил биетийн тархалтаас сэргийлэх, хог хаягдлын менежментийг сайжруулах зорилгоор Глобаль сангийн дэмжлэгтэйгээр “Халдварын сэргийлэлт хяналтын чиглэлээр эмч, мэргэжилтнүүдийг чадавхжуулах” сургалтыг зохион байгууллаа.

Сургалтад төрөлжсөн мэргэшлийн төв, төв эмнэлэг, тусгай мэргэжлийн эмнэлэг, нийслэлийн 9 дүүргийн ЭМТ, НЭ, өрх, тосгоны эрүүл мэндийн төв, мэс засал, эх барих эмэгтэйчүүд, шүд, гоо сайхны мэс заслын чиглэлээр үйл ажиллагаа явуулдаг хувийн хэвшлийн эрүүл мэндийн байгууллага зэрэг 200 гаруй эмнэлгийн 520 орчим эмч, мэргэжилтнүүдийг хамрууллаа.