ХӨСҮТ АШУҮИС-тай “Хамтын ажиллагааны гэрээ“-гээ шинэчлэн байгууллаа

2025 оны 10 сарын 10

АШУҮИС нь эрүүл мэндийн салбарын хүний нөөцийг хөгжүүлэх ялангуяа төгсөлтийн дараах сургалтын тогтолцоог сайжруулж өндөр хөгжилтэй орны жишигт хүргэх хамтарсан судалгаа, төсөл хөтөлбөрийг хэрэгжүүлэх агуулга бүхий хамтын ажиллагааны гэрээг байгуулдаг.

Энэ хүрээнд Халдварт Өвчин судлалын үндэсний төвтыг захирал С.Энхболд АШУҮИС-ийн ректор Б.Дамдиндоржтой хамтын ажиллагааны гэрээг байгууллаа.

Онолын өндөр мэдлэгтэй, эмнэлзүйн чадвартай эмч, эмнэлгийн мэргэжилтэн бэлтгэхэд хамтарсан хөтөлбөрүүд бий болгон төгсөлтийн дараах сургалтыг улсын хэмжээнд нэгдсэн нэг хөтөлбөр стандарттай болгож сургалтын чанар технологийг шинэ түвшинд хүргэхэд талууд хамтран ажиллах зайлшгүй шаардлагатай байгааг онцоллоо.

Нэг систем, хамтын хөгжил санаачлагыг хөгжүүлэн бодит үр дүнд хүрэхэд бүх шатны эрүүл мэндийн байгууллагын үүрэг оролцоо хамгийн чухал юм.