Баянгол дүүрэгт оршин суудаг 64 настай иргэн нэг шөнийн дотор 87 сая төгрөгөө цахимаар залилагчдад алджээ.

Тодруулбал, тухайн иргэн  телеграм аппликэйшнээр ирсэн даалгаврыг гүйцэтгэж байгаа гэж "ХААН" банкныхаа данснаас Худалдаа хөгжлийн, “Ариг” зэрэг банкны дансанд шилжүүлээд нийт 87.3 саяыг мэхлэгчдэд алдсан байжээ.

Иргэдийг цахим орчинд залилан мэхлэх гэмт хэрэгт өртөхөөс сэргийлж цагдаагийн байгууллагаас олон нийтийн сүлжээнд байнга сэрэмжлүүлэг нийтэлж буй ч төдийлөн үр дүнд хүрэхгүй байна.