Энэ оны 09 дүгээр сард Сүхбаатар аймгийн нутаг дэвсгэрт газар тариалангийн үйл ажиллагаа эрхэлдэг нэр бүхий байгууллага нь өөрийн эзэмшлийн тариалангийн талбайд НҮБ-ын 1971 оны “Сэтгэцэд нөлөөт бодисын тухай” конвенцын жагсаалтад орсон мансууруулах үйлчилгээтэй олсны ургамлыг тариалсан байж болзошгүй гэмт хэргийг тус аймгийн цагдаагийн газар илрүүлэн Хар тамхитай тэмцэх газартай хамтран шалгаж байна.

Монгол Улсын Эрүүгийн хуулийн 20.10 дугаар зүйлд заасан “мансууруулах үйлчилгээ бүхий ургамлыг хууль бусаар тариалах” гэмт хэргийг хувь хүн үйлдсэн бол 1-5 жил хорих, хуулий этгээдийн өмнөөс, хуулийн этгээдийн ашиг сонирхолын төлөө үйлдсэн бол хуулийн этгээдийн тодорхой үйл ажиллагаа явуулах эрхийг хасаж 40,000-200,000 нэгжтэй тэнцэх хэмжээний төгрөгөөр торгох ялаар тус тус шийтгэх зохицуулалттай.