Монгол Улсын Засгийн газрын 2025 оны 02 дугаар сарын 05-ны өдрийн “Яаралтай тусламжийн хүртээмжийг нэмэгдүүлэх талаар авах зарим арга хэмжээний тухай” 67 дугаар тогтоолын хэрэгжилтийн бэлтгэл ажлыг хангах хүрээнд ЦЕГ-ын Тэргүүн дэд дарга Ц.Ням-Очир, Эрүүгийн цагдаагийн албаны дарга, цагдаагийн хурандаа Э.Сэргэлэнбаатар, Нийслэлийн цагдаагийн удирдах газрын дарга, цагдаагийн хурандаа Э.Товуудорж нар өчигдөр /2025.10.01/ Нийслэлийн Сүхбаатар, Сонгинохайрхан, Чингэлтэй дүүргийн телекамерын хяналтын Дэд төв, Чингэлтэй дүүргийн цагдаагийн газрын нэгдүгээр хэлтэст очиж ажиллалаа.

Дэд төвийн үйл ажиллагаанд гэмт хэрэг, зөрчлийн дуудлага, мэдээллийг шуурхай хүлээн авч шийдвэрлэх программ, хангамжийг нэвтрүүлэн, цагдаагийн хэлтэст иргэдээс гаргасан санал хүсэлт, өргөдөл гомдлыг хүлээн авах, иргэдэд зөвлөн туслах, дэмжлэг үзүүлэх хэсгийг Чингэлтэй дүүргийн цагдаагийн газрын нэгдүгээр хэлтэст байгуулан ажиллуулж байна.