"Бэрэн" ХХК-ийн барилга дээр ажиллаж байсан хятадууд жагсаал хийхдээ тулж, түүнийг цагдаагийнхан Иргэний харъяалал шилжилт хөдөлгөөний газарт шилжүүлээд байсан.

Тэгвэл дээрх 100 гаруй хятад иргэнийг шалгах явцад 42 нь визний зөрчилтэй болох нь тогтоогджээ.

Иймд эдгээр иргэдийг Монгол Улсын нутаг дэсвгэрээс албадан гаргахаар болсон байна.
 
Тэдний хувьд цалингаа өгөхгүй байна гэх шалтгаанаар жагсаал хийхээр төлөвлөж байсан юм. Харин тэднийг ажиллуулж байсан компанийн зүгээс цалин хөлсийг нь өнөөдөр өгч барагдуулахаар болсон байна. Сонирхуулахад барилга дээрээ ажиллаж байсан хятад ажилчид 1-2 сая төгрөгийн цалинтай ажиллаж байжээ.