УИХ-ын Байгаль орчин, хүнс хөдөө аж ахуйн болон Эдийн засгийн байнгын хорооны өнөөдөр /2025.09.23/-ийн хамтарсан хуралдаанаар Халзанбүрэгтэй орд газрын ашиглалт, байгаль орчинд үзүүлэх сөрөг нөлөөлөл, эрсдэлийг нарийвчлан судлах сэдэвт ерөнхий хяналтын сонсголын хуралдааныг зохион байгуулсан.

Энэ үеэр "Сак Сараа" хэмээн өөрийгөө танилцуулсан тэмцэгч М.Саранцэцэг Халзанбүрэгтэйн ордыг эсэргүүцэж буйгаа илэрхийлсэн. Ингэхдээ хэрвээ төслийг дэмжвэл "Н.Учралын нүд рүү тугалга цацна" гэхчлэн бусдыг заналхийлсэн үйлдэл гаргасан.

Одоогоор энэ талаар хэн нэгэн гомдол гаргаагүй байгаа бөгөөд цахим орчинд цацагдсан мэдээлэл тул цагдаагийн байгууллагын цахим гэмт хэрэгтэй тэмцэх газраас мэдээллийг бүртгэлжүүлэн шалгаж эхэлсэн байна. Улмаар харьяалал тогтоолгохоор прокурорын байгууллагад хандаад байгаа аж.