СХД-т гэр шатаж 25 настай эмэгтэй, 3 настай хүүхдийн хамт АМИА АЛДСАН харамсалтай хэрэг гарсан. 

 Тэгвэл өчигдөр хоёр иргэн галд өртөж, нэг иргэн угаартаж АМИА АЛДСАН харамсалтай явдал болжээ.

Үүнтэй холбогдуулан НЗД-ын орлогч А.Амартүвшин "Өчигдөр буюу 9-р сарын 23-ны өдөр хоёр иргэн галд өртөж, нэг иргэн угаартаж нас барсан. Угаартаж нас барсан иргэний гэр угаар мэдрэгчгүй байсан.

Нас барсан иргэн галаа бүрэн унтарч дуусаагүй байхад яндангаа аваад өрхөө бүтээсэн байсан. Бусад угаартсан иргэдийн хувьд угаар мэдрэгч нь дуугарсан ч тоогоогүй зарим иргэд дуугараад байна гээд аваад эвдэлчихсэн нөхцөл байдалтай байсан.

Энэ жилийн хувьд 110 мянга гаруй өрхийг ухаалаг мэдрэгчтэй холбосон. Үргэлжлүүлээд 30 мянган өрхийг ухаалаг мэдрэгчтэй холбож байна. Ингэснээр нүүрс түлж байгаа бүх өрхийг угаарын хий мэдрэгчтэй холбож нэг системээр хянана. Ирэх жил 50 мянган өрхийг хийн түлшид холбоно." гэв.