“Эрэл”-ийн Эрдэнэбатын хүү Тэмүүлэн, Лувсандоржийн Алтан-Очир, "Говь" ХК-ийн гүйцэтгэх захирал Б.Амарсайхан нар 2025 оны 07 дугаар сарын 19-ний шөнө Хүүхдийн 100 орчимд хохирогч Д.Саяннямбуугийн биед халдаж, эрүүл мэндэд нь хохирол учруулсан хэрэг гарсан.

Хуулийн байгууллагаас Э.Тэмүүлэн, Ц.С, Л.Алтан-Очир нарыг тухайн үед нь цагдан хорьсон бол Б.Амарсайхан хил давсан болохыг өмнө нь мэдээлж байв.

Тэгвэл : “Оргон“ зайлаад 60 гаруй хоносон Б.Амарсайханыг өчигдөр (2025.09.22) Тайланд улсаас авчирсан гэж ЦЕГ-аас мэдээллээ. 

Өөрөөр хэлбэл, хилээр оргон зугтаад Тайландаас баригдсан “Говь“ ХХК-ийн Гүйцэтгэх захирал Б.Амарсайханыг Монголд авч иржээ.

Ташрамд мэдээлэхэд, дээрх этгээдүүдийг иргэн Д.С-ийн эрүүл мэндэд нь хохирол учруулсан хэрэгт холбогдуулан Сүхбаатар дүүргийн Цагдаагийн газрын нэгдүгээр хэлтсээс Эрүүгийн хуулийн тусгай ангийн 20.16 дугаар зүйлийн 1 дэх хэсэгт зааснаар эрүүгийн хэрэг үүсгэж, яллагдагчаар татан шалгаж буй юм. 

Б.Амарсайхан нь 2024 оны гуравдугаар сарын 1-нээс "ГОВЬ" ХК-ийн гүйцэтгэх захирлаар ажиллаж буй.