Нийслэлийн Удирдах ажилтнуудын шуурхай зөвлөгөөний үеэр хотын дарга Х.Нямбаатар зарим үүрэг даалгаврыг өглөө. Тухайлбал, гэрэлтүүлэг тааруу байгааг шүүмжлээд "Хотын хэмжээнд нийтийн эзэмшлийн гудамж, талбайн гэрэлтүүлгийн асалт тааруу байна. Тиймээс ажлаа хийж чадахгүй байгаа гэрэлтүүлгийн компаниудын гэрээг цуцална. Надад хэн нэгэн даргын хамаарал бүхий компани, олон жил манай дүүрэгтэй хамтарч байгаа зэрэг асуудал огт хамаагүй. Хэнбугай ч хариуцсан ажлаа дорвитойхон хийгээд явах ёстой" гэлээ.