Өнөөдөр буюу есдүгээр сарын 19-ний өдөр ТЦА-аас СХД-ийн ЕБС-ийн 4000 гаруй сурагчдад зориулан "Хүүхдийн аюулгүй байдал" модуль сургалтыг зохион байгууллаа. 

Тус арга хэмжээг Монгол Улсын гэмт хэргээс урьдчилан сэргийлэх ажлыг зохицуулах зөвлөл, Дэлхийн зөн Монгол, Нийслэлийн яаралтай түргэн тусламжийн төв, Гэмтэл согог судлал үндэсний төв, Сонгинохайрхан дүүргийн Гэмт хэргээс урьдчилан сэргийлэх ажлыг зохицуулах салбар зөвлөл, Нийслэлийн онцгой байдлын газрын аврах анги, Нийслэлийн боловсролын газар, Монголын авто сургалтын нэгдсэн холбоо, Монголын ачигч авто машинуудын нэгдсэн холбоо, Монголын стант орлон тоглогчдын багийн жүжигчидтэй тус тус хамтран зохион байгуулжээ. 

Хүүхдүүд аюулгүй байдлаа хэрхэн хангах талаар жүжигчилсэн үзүүлбэрүүдийг үзээд илүү ойлголттой болсноо илэрхийлжээ.