НЭМЭЛТ:

Прокуророос эхнэрээ 23 удаа хутгалж алсан нөхөр Н.Энхбатыг  бүх насаар нь хорих ялыг хаалттай хорих ангид эдлүүлэх санал гаргасан.

Дөнгөж сая эхнэрээ 23 удаа хутгалж, амь насыг нь хөнөөсөн Н.Энхбатад бүх насаар нь хорих ял оноох шийдвэр шийдвэр гаргалаа.

Мөн Шүүгдэгч Н.Энхбатаас сэтгэцийн хор уршгийн зардалд 162.000.363 төгрөг гаргуулж, амь хохирогчийн төрсөн хүүд олгохоор шийдвэрлэлээ.

Шүүгдэгчийн өмгөөлөгч Ц.Батбаяраас шинээр гаргаж өгсөн  нотлох баримтад үзлэг хийлгэх үндэслэлээр хуралдааныг  хойшлуулах хүсэлт гаргасныг шүүх бүрэлдэхүүн шийдвэрлэхээр 10:43 зөвлөлдөж эхлэв.

Шүүхээс хүсэлтийг хүлээн авахаас татгалзаж шүүх хуралдаан үргэлжлэв.

Эхнэрээ хөнөөсөн, шүүгдэгч Н.Энхбат "Хэдэн удаа хутгалснаа санахгүй байна. Би өөрийгөө бас хутгалсан. Эмнэлэгт очсоны дараа л болсон явдлыг санасан" гэж мэдүүлжээ.

Өмгөөлөгч Р. Булгамаа: Шүүгдэгч Э нь хохирогчийг байнгын зовлон шаналал дунд байлгаж, сэтгэл санааны хүчирхийлэл үйлддэг байсан нь хохирогчийн гар утсанд хийсэн үзлэгээр нотлогдсон. Түүнчлэн хохирогчийн ажлын байр болох худалдааны төв дээр байнга ирж гэр бүлийн хүчирхийлэл үйлддэг байсныг бусад худалдагчид хэлсэн.

“Gem mall” худалдааны төвд эхнэрээ олон удаа хутгалж амь насыг нь хөнөөсөн гэх Н.Энхбатад холбогдох шүүх хурал өнөөдөр 09.00 цагаас эхлэж, Баянгол, Хан-Уул, Сонгинохайрхан дүүргийн шүүхэд үргэлжилж байна.

Тэгвэл дөнгөж сая Н.Энхбатад холбогдох /онц харгис хэрцгийгээр гэр бүлийн хүчирхийлэл үйлдэж алсан/ хэргийн гэм буруугийн шүүх хуралдааныг шинээр гаргаж өгсөн нотлох баримттай танилцах үндэслэлээр 20 минут түр завсарлууллаа.

Мөн шүүгдэгчийн өмгөөлөгч Ц.Батбаяраас насанд хүрээгүй гэрч шүүхэд мэдүүлэг гаргах учраас хаалттай явуулах, шинээр гаргаж өгсөн нотлох баримттай танилцах үндэслэлээр завсарлуулах хүсэлт гаргасныг шүүхээс хүлээн авч шүүх хуралдааны гэрч асуух хэсгийг хаалттай, бусад хэсгийг нээлттэй явуулахаар боллоо.