Хар тамхи хэрэглэсэн үедээ найз охиноо 13 цаг хүчирхийлсэн гэх Ч.Жавхлантад 7 жил хорих ял оноожээ.

Тодруулбал, өнгөрсөн 2024 оны аравдугаар сарын 27-ны өдөр Э гэх бүсгүй хамтран амьдрагч болох Ж-д 13 цагийн турш онц хэрцгийгээр зодож, хүчирхийлүүлсэн талаараа олон нийтийн сүлжээнд нийтлэгдсэн байдаг. Улмаар хамтран амьдрагчаа зодож, онц хэрцгийгээр гэр бүлийн хүчирхийлэл үйлдэж алахыг завдсан, хохирогчийн бичлэгийг цахим орчинд тараана хэмээн сүрдүүлсэн, мансууруулах эм сэтгэцэд нөлөөт бодисыг хууль бусаар хадгалсан Ж-д холбогдох хэргийг Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхэд шилжүүлсэн юм.

Ч.Жавхлантын хувьд /2024-10-28/-ны өдөр хохирогчийн ах цагдаагийн байгууллагад мэдэгдсэнээр таслан сэргийлэх арга хэмжээ авхуулсан. Өдгөө 11 сар орчмын хугацаанд цагдан хоригдож буй юм.

Тэгвэл өчигдөр /2025-09-01/ түүнд холбогдох хэргийн шүүх хурал БЗ,СБ,ЧД-ийн эрүүгийн хэргийн анхан шатны тойргийн шүүхэд болж 7 жил хорих ял оноосон байна

Эргэн сануулахад, Түүнд Эрүүгийн хуулийн ерөнхий ангийн 2.8 дугаар зүйлийг журамлан, Эрүүгийн хуулийн 10.1 дүгээр зүйлийн 2.1, 2.8 /Хүнийг алах/, Эрүүгийн хуулийн 13.5 дугаар зүйлийн 1 /Заналхийлэх/, 12.1 дүгээр зүйлийн 2.10 /Хүчиндэх/, Эрүүгийн хуулийн 20.7 дугаар зүйлийн 1 /Мансууруулах эм, сэтгэцэд нөлөөт бодисыг хууль бусаар ашиглах/-д зааснаар яллах дүгнэлт үйлдсэн байдаг.