Хоёр автомашин мөргөлдсөнөөс 31 настай эрэгтэй хүнд гэмтэж, ГССҮТ-д хүргэгджээ
2025 оны 8 сарын 29
Өчигдөр буюу наймдугаар сарын 28-ны өдөр Сонгинохайрхан дүүрэгт хоёр автомашин мөргөлдөж нэг иргэн гэмтсэн байна.
Улаанбаатар хот, Сонгинохайрхан дүүрэг 21 дүгээр хороо автозамын зорчих хэсэгт хоёр автомашин мөргөлдөж, автомашины төмөр эд ангид нэг иргэн хавчуулагдсан тухай дуудлага өчигдрийн 09:18 цагт холбогдох байгууллагад иржээ.
Дуудлагын дагуу Нийслэлийн Аврах ангийн алба хаагчдыг очиход иргэн С-ийн “Hijet” загварын автомашин, иргэн Б-ын “Porter” загварын автомашинтай мөргөлдөж “Hijet” загварын автомашины жолооч иргэн С /31 настай, эрэгтэй/ нь автомашиныхаа жолооны хүрдэнд хавчуулагдан гэмтсэн байжээ.
Иргэнийг эсэн мэнд гаргаж эмнэлгийн анхан шатны тусламж үзүүлэн, ГССҮТ-д хүргэж өгсөн байна.

Мэдээнд өгөх таны үнэлгээ?






1



665107
1 эможи
ARSLAN.mn сайтад сэтгэгдэл оруулахад анхаарах зүйлс