Ганцаараа явж байсан эмэгтэй хүнийг үл таних 4 этгээд зодож, хүчээр машинд суулгаж эд зүйлсийг нь дээрэмдсэн хэрэг гарчээ.

Тодруулбал, 2025 оны наймдугаар сарын 13-14-нд шилжих шөнө СХД-ийн 5 дугаар хороонд "4 этгээд намайг нийлж зодоод машинд хүчээр суулгаж авч яваад дээрэмдчихлээ" гэсэн дуудлага мэдээ цагдаагийн байгууллагад бүртгэгдсэн.

Дуудлагын дагуу СХД-ийн Цагдаагийн 3-р хэлтсийн алба хаагчид шуурхай ажиллаж, мөнгөлөг саарал өнгөтэй приус 30 маркийн улсын дугааргүй тээврийн хэрэгсэлтэй үл таних 20 орчим насны 4 эрэгтэй ганцаараа явж байсан эмэгтэй хүнийг зодож,айлган сүрдүүлэн хүчээр машинд суулгаж, гар утас, үнэт эдлэл зэргийг дээрэмдсэн хэргийг илрүүлжээ.

Одоогоор мөрдөн шалгах ажиллагаа үргэлжилж байна.