Хуульч О.Батхүү санаачилснаар "Үл хөдлөх хөрөнгө борлуулахад төлдөг хоёр хувийн татвар"-ыг хүчингүй болгох нийтийн өргөдөлд иргэдийн саналыг авч эхэлсэн. 

Одоогоор тус өргөдөлд 50,278 иргэн гарын үсэг зурж, 50 хувьдаа хүрээд байна. Хэрэв иргэдийн санал 100,000-д хүрвэл УИХ-аар хэлэлцэх юм. 

Тэрбээр, "Үл хөдлөх хөрөнгө борлуулахад төлдөг хоёр хувийн татварыг хүчингүй болгох шаардлагатай байна. Хүмүүс байр орон сууц авахдаа ихэвчлэн зээлээр авдаг. Зээлийн хүү төлбөр төлөхдөө өөрийн цалин орлого буюу татвар төлсөн мөнгөөрөө төлдөг. Мөн байр орон сууц бол хүний анхдагч хэрэгцээ.

Дэлхийн бусад улсад амьдран суугаа байшин, байр орон сууцаа зарахад татвар төлдөггүй. Учир нь энэ бол ашиг орлого олох бизнес биш. Иймд энэхүү 2 хувийн татварыг цуцлах шаардлагатай. Иймд хувь хүний орлогын албан татварын хуулийн 21.2.1 дэх заалтыг хүчингүй болгох нь зүйтэй" гэх санааг дэвшүүлээд буй. 

Та Энд дарж саналаа өгнө үү.