"ДЦС-3" ТӨХК-д 6-7-ныг шилжих шөнө дахин осол гарсан талаар бид өмнө мэдээлсэн. Ослын нөхцөл байдлын талаар мэдээлж байна.

Засгийн газрын бүрэн эрхт төлөөлөгч Н.Тавинбэх " Ийм саатал 8-р сарын 1-ний өдөр гарсан.  Засварын ажил эхэлчихсэн явж байна. Гэмтсэн зуух ашиглалтад ороод 50 орчим жил болсон бөгөөд анх удаа ийм осол гараагүй. Өнгөрсөн онд гэхэд л 15 удаа гарсан. Зөрчлүүдийг арилгахад хатуу арга хэмжээ авч ажиллаж байгаа нь зарим хүнд таалагдахгүй байгаагаас үүдэж гарсан хэвийн ослыг олон нийтэд дэлгэж, энэ станц дээр хийж байгаа шинэчлэлийн ажилд саад болж байгааг хуулийн байгууллагад шалгуулна.

Үйлдвэрлэлийн осолд өртсөн нөхөртөө туслахын оронд бичлэг хийж, гадагш нь зарсан асуудал энэ хамт олны дотор байх ёсгүй.

Манай станц 1004 хүнтэй, 198 мегаваттын хүчин чадалтай стратегийн том эх үүсвэр. Ашиглалтад ороод 60 орчим жил болсон, насжилтын хувьд өндөр.

Тоног төхөөрөмжүүдийн 70 хувь нь ашиглалтын хугацаа дууссан. Техникийн саатал бага гардаг гэж хэлэхэд хэцүү.

Жишээлбэл, энэ оны наймдугаар сарын 1-нд нэг зуух дахин гэмтсэн. Энэ бол анх удаа гарсан зүйл биш. Өнгөрсөн өвөл гэхэд л ийм төрлийн гэмтэл 15 удаа гарч, тус бүрд нь засвар хийгээд хэвийн ажиллагаанд оруулж байсан.

Энэ өвөл дулаан, цахилгаан тасрах уу гэдэгт хариулахад, хэрэв төлөвлөсөн ажлууд цагтаа хэрэгжвэл өвлийн их ачааллыг хүндрэлгүй давах боломжтой. Одоогоор ажил хэвийн явж байна." гэв.