Цусны төв нөөцийн хомсдолд орсон байна. Оюутнууд амарч, иргэдийн ихэнх нь амралт зугаалгаар явсан энэ үед буюу жил бүрийн долдугаар сараас есдүгээр сар хүртэл бүлгийн хамаарлаас болж цусны хомсдол ихэсдэг ажээ. Өнөөдрийн байдлаар гэхэд л маш олон хүнд цус хэрэгцээтэй болж, амь нас нь дээсэн дөрөөн дээр байгаа юм.

Жишээлбэл Найман хүүхэдтэй, 50 настай ээжид III бүлгийн цус их хэмжээгээр, 23 настай нялх биетэй ээжид II бүлгийн цус их хэмжээгээр, хоёр настай бяцхан хүүд II бүлгийн цус их хэмжээгээр, 17 настай залуу хүүд IV бүлгийн цус их хэмжээгээр хэрэгтэй байна. 

Юутай ч ажил ихтэй иргэд цусны төвд цусаа хандивлах боломж бүрдэхгүй байгааг харгалзаж тус төв уртасгасан цагаар ажиллах нөхцлийг судалж байгаа юм байна.