Бусдыг бүлэглэн зодсон 4 этгээдийн хоёр нь 48 цагийн хугацаатай түр саатуулагдаж байгаа. Хуульд заасан хугацаа өнөөдөр оройгоор дуусгавар болох юм. Тэгвэл цагдан хориог сунгаж хорих эсэх асуудлаар өнөөдөр шүүх 16:30 минутаас хуралдсан. 

Тэгвэл Дүүргийн эрүү, иргэний хэргийн хялбар ажиллагааны анхан шатны тойргийн шүүхийн шүүгч Б.Билгүүний шийдвэрээр нэр нөлөө бүхий улс төрч, бизнесийн бүлэглэлийн хүүхдүүд болох Ц.Цэрэнпунцагийн хүү С, Б.Эрдэнэбатын хүү Т нарыг суллахаар болжээ. 

УИХ гишүүний хүү, томоохон хувьцаат компанийн захирал зэрэг хүмүүсийн холбогдсон энэхүү хэргийг хууль, шүүхийн байгууллага хэрхэн яаж шийдвэрлэхийг олон нийт анхааралтай ажиглаж байгаа билээ. Мөнгөтэй нь үйлчилдэг хууль ардын хүүд үйлчилдэггүй гэх шүүмжлэл, дабль стандартыг иргэд, олон нийт эрс шүүмжилсээр байна. 

Бүлэглэн хүн зодсон танхай этгээдүүдэд хилийн хориг тавьсан гэдгийг албаны эх сурвалж мэдээллээ.