Өнөөдөр цахим орчинд нэр бүхий улс төрчдийн хүүхдүүд архи согтууруулах ундаа хэрэглэсэн үедээ гэмгүй иргэний биед халдсан хэргийн талаар мэдээлэл цацагдаад байгаа билээ. 

Дээрх танхайн хэрэгт Ц.Цэрэнпунцагийн хүү Ц.Санжаачойпэл, Б.Эрдэнэбатын хүү Э.Тэмүүлэн нар "Таван богд" группийн ТУЗ-ийн дарга Ц.Баатарсайханы хүү нар холбогдсон талаар мэдээллэсэн. Уг зодоон нь бүлэглэн танхайрсан хэрэг бөгөөд 40,50 хүний зодоон биш хэдэн хүн бүлэглэн нэг хүн рүү танхайрсан хэрэг болох нь бичлэгээр нийтэд ил болоод байгаа билээ. 

Тэгвэл ЦЕГ-ын дарга асан, бригадын генерал Ж.Болдын хүү хохирогчийг өмөөрч, яаралтай тусламж дуудсан байна. Энэ талаар хэргийн газрын бичлэг, мэдүүлэгт тусгагджээ. Хүүгийн зүгээс буруу зүйл хийгээгүй тул ном журмаар нь мэдүүлгээ өгч, нөхцөл байдлын талаар мэдээлэл өгсөн талаар эх сурвалж мэдээллээ. Задарсан бичлэгт тухайн хүү хохирогчийг хамгаалж болиочээ гээд салгаж байгаа дүрс, дуу нь нийтэд ил болжээ. 

Хохирогчийн эгчийн зүгээс ч мөн цахим орчинд өөрийн талаас мэдээллийг нийтэлсэн байсан. Тэрбээр зарим үзэг нэгтнүүд 40,50 хүний зодоон болгож хувиргахаар ажиллаж байна. Тийм юм байхгүй, хэдэн танхай балмад залуус миний дүүг утсаар ярьж байхад нь ухаангүй болтол нь зодсон. Зодсон этгээдүүд хар тамхи хэрэглэсэн байж болзошгүй хэмээн үзэж байгаагаа бичжээ. Цагдаагийн байгууллагаас мөн хэрэгт холбогдогч нараас хар тамхины тестер авсан байна. 

Харин "Таван богд" группийн ТУЗ-ийн дарга Ц.Баатарсайханы хүү яаралтай хил давсан гэх албан бус мэдээлэл байгаа бөгөөд цагдаагийн байгууллагаас эрэн сурвалжилж байгаа аж. Тухайн зодоонд холбогдсон дахин нэг хүнийг эрэн сурвалжлах ажил үргэлжилж байна.