Ирэх долоо хоногийн цаг агаарын урьдчилсан мэдээг хүргэж байна.

Маргааш буюу Даваа гарагт нутгийн зарим газраар бороо орно.  Харин мягмар гарагт баруун болон төвийн аймгуудын ихэнх нутаг, говийн аймгуудын зарим газар, зүүн аймгуудын нутгийн хойд хэсгээр бороотой. 

Долоодугаар сарын 9-нд баруун аймгуудын нутгийн хойд хэсэг, төв болон зүүн аймгуудын ихэнх нутаг, говийн аймгуудын зүүн хэсгээр дуу цахилгаантай аадар бороо орно. Пүрэв гарагт  нутгийн хойд хэсгээр мөн бороо, дуу цахилгаантай аадар бороо үргэлжлэх төлөвтэй байна.

Салхи ихэнх хугацаанд секундэд 5-10 метр, борооны өмнө түр зуур ширүүснэ.