Бид өмнө Дулааны гуравдугаар цахилгаан станцад гарсан  ослын талаар дэлгэрэнгүй мэдээллэсэн билээ. 

Тэгвэл дулааны гуравдугаар цахилгаан станцад гарсан ослын улмаас ТЭЦ-3-д учирсан том хохирол нь хүний амь нас эрсдэж, 30 гаруй сая ам.доллараар авсан ганц байгаа шинэ генератороо шатаасны улмаас хэвийн үйл ажиллагаа явуулах боломжгүй болжээ. 

Энэ талаар тодруулахад ТЭЦ-3-аас холбогдох албаныханд уг асуудлыг албан тооцоо судалгаатай нь хүргүүлсэн ба өнөөдрийг хүртэл ямар нэгэн шийдэлгүй харзнасан байдалтай байна гэлээ. 

Хамгийн ноцтой нь уг төхөөрөмжийг Монголд хийдэггүй зөвхөн ОХУ, БНХАУ-аас худалдан авах боломжтой аж. Гэтэл ОХУ-аас дайны нөхцөл байдалтай байгаа тул нийлүүлэх боломжгүй гэдгээ мэдэгдсэн бол БНХАУ-аас хамгийн багадаа уг генераторыг нэг жил 6 сарын хугацаанд хийж, нийлүүлэх боломжтой хэмээн урьдчилсан хариу өгчээ. Гэхдээ одоо мэдэгдэж буй ханшаар 40 гаруй сая ам.доллар болох урьдчилсан тооцоо байгаа аж. 

2025-2026 онд шилжих өвөл цахилгаан, дулаанаар хангаж чадахгүй, хүндхэн байдалд хүрч болзошгүй байгаа талаар мэргэжилтнүүд хэллээ.