Нийгмийн даатгалын байгууллага ажил олгогчид, даатгуулагчид, жижиг дунд бизнес эрхлэгчдэд нийгмийн даатгалын хууль тогтоомжийг сурталчлах, ач холбогдлыг нь таниулах, мэдээлэл өгөх, тэдэнд ил тод, нээлттэй, ашиг сонирхлоос ангид түргэн шуурхай үйлчилгээг үзүүлэн дэмжиж ажиллахыг зорьж байна.

Энэхүү ажлын хүрээнд бүх аймаг, дүүргүүд шат дараатайгаар “Ажил олгогчдын зөвлөгөөн”-ийг зохион байгуулж байна. Сэлэнгэ аймгийн Нийгмийн даатгалын газар “Даатгуулагч, ажил олгогчдын зөвлөгөөн”-ийг 2025 оны 5 дугаар сарын 23-ны өдөр зохион байгуулж, ажил олгогчид, даатгуулагчдад эрх зүйн мэдлэг олгож, тулгамдаж байгаа асуудлыг талаар хамтдаа ярилцлаа.

Тус зөвлөгөөнд Сэлэнгэ аймагт үйл ажиллагаагаа явуулж байгаа 250 гаруй ажил олгогч, даатгуулагч оролцлоо. Нийгмийн даатгалын хууль тогтоомжийг хэрэгжүүлэн ажиллаж даатгуулагчийн нийгмийн баталгааг хангах, нийгмийн даатгалын сангийн орлогыг бүрдүүлэхэд хувь нэмрээ оруулж байгаа шилдэг шимтгэл төлөгч даатгуулагч, ажил олгогчдыг зөвлөгөөний үеэр шалгаруулж, урамшуулсан юм.