Монголын Хөл Бөмбөгийн Холбооны ээлжит бус Их хурал өнөөдөр боллоо. Хуралд 21 аймаг, нийслэлийн бүх дүүргийн төлөөлөл болох саналын эрхтэй гишүүд оролцсон байна.

Улмаар УИХ-ын гишүүн асан, "Сод Монгол" группын Ерөнхийлөгч Ц.Анандбазар 58 орчим хувийн санал авч, Монголын Хөл Бөмбөгийн Холбооны Ерөнхийлөгчөөр сонгогдсон.

Тэгвэл МХБХ-ы Ерөнхийлөгчөөр сонгогдсон Ц.Анандбазарын 2023 онд АТГ-т мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮67 сая
Гэр бүлийн орлого: ₮501 сая
Орон сууц барилга байгууламж: ₮7,6 тэрбум /Амины орон сууц-2, нийтийн орон сууц-1/
Тээврийн хэрэгсэл: ₮953 сая 

• Жийп болон туулах чадвар өндөр Lexus, 570
• Микроавтобус,Toyota  Alphard
• Жийп болон туулах чадвар өндөр Toyota Land Cruiser 200
• Тусгай зориулалтын машин Mercedes Benz  ND4190CS4J  маркийн нийт дөрвөн тээврийн хэрэгсэлтэй.

Мал аж ахуй: ₮1,3 тэрбум /Хурдан удмын адуу-25, Адуу-408, Үхэр-86, Хонь-320, Ямаа-256/
Газар: ₮0 сая газаргүй
Үнэт эдлэл, урлаг, түүхийн үнэт зүйл: ₮600 сая
Хадгаламж: ₮3,8 тэрбум
Авлага:  ₮336 сая
Зээл:  ₮1.7 сая гэж мэдүүлжээ.

Уг сонгуулийг зарим хөлбөмбөгийн тамирчид эсэргүүцэж шударга бус сонгууль болж байна гэж байр сууриа илэрхийлээд байгаа юм.

Энэ үеэр хөлбөмбөгийн сэтгүүлч Б.Батзаяа “Та нар Ц.Анандбазарт хөлбөмбөгийг зарчихлаа ш дээ” хэмээн бухимдлаа илэрхийлж байсан юм. Мөн “Дэрэн” клубын дасгалжуулагч ярихдаа “Ц.Анандбазар хөлбөмбөгийн холбооны ерөнхийлөгч болохын тулд орон нутгийн клубийнхэнд 5-10 сая төгрөг өгсөн. Энэ бичлэг нь цахим орчинд ч тавигдсан байгаа. Өнөөдрийн сонгуулийг хаалттай, хууль бусаар, хүчээр зохион байгуулж байгааг эсэргүүцэж байна” гэсэн юм.