Жил бүрийн дөрөвдүгээр сарын 28-ны өдрийг "Монгол генаралын өдөр" болгон тэмдэглэн өнгөрүүлдэг билээ. 

1944 оны энэ өдөр БНМАУ-ын Ардын сайд нарын Зөвлөлийн тогтоолоор цэргийн гарамгай 11 зүтгэлтэнд цэргийн дээд цол буюу генерал цолыг анх удаа олгосон түүхтэй. 2004 оноос хойш жил бүрийн энэ өдрийг “Монгол генералын өдөр” болгон тэмдэглэж иржээ.  Монгол Улсын генерал цолтнуудын хамгийн ахмад нь Дорноговь аймгийн Хатанбулаг сумын уугуул 103 настай хурандаа генерал С.Лувсангомбо юм. Харин цор ганц эмэгтэй генерал болох бригадын генерал Г.Болор Монгол Улсаас НҮБ-д суугаа Байнгын төлөөлөгчийн газрын цэргийн зөвлөхөөр ажиллаж, үүргээ нэр төртэй гүйцэтгэж байна. 

Энэ жилийн 81 дэх удаагийн Монгол генералын өдөрт зориулсан нэгдсэн арга хэмжээг Цагдаагийн ерөнхий газраас зохион байгуулж буй. Жил бүр тусгай чиг үүрэг бүхийн төрийн цэргийн байгууллагууд ээлжлэн уг арга хэмжээг хариуцан зохион байгуулдаг уламжлал тогтоод буй. 

Энэ жил генералуудын гэргий нарыг ёслол, хүндэтгэлийн арга хэмжээнд урьсан нь онцлог байлаа.