НОБГ, ОСНААУГ, УСУГ, Нийслэлийн Цагдаагийн удирдах газар, Боловсролын газар, Зорчигч тээвэр 4, Баянгол эрүүл мэндийн төвөөс төрөн гарсан 7 хос Хурмын ордонд зэрэг хуримлах ёслол боллоо. 

Урин цагийн салхи хэдийнээ энгэр заамаар урсаж, энгэр бэлийн нөөлөг, хаврын борог өвсөн дор хэзээ мөдгүй яргуй нүдлэхээр үнэгчлэн байна. Ийм л гэгээн тунгалаг цагийн хэвлийд “Зорчигч тээвэр дөрөв” Орон нутгийн өмчит аж ахуйн тооцоот үйлдвэрийн газрын Нийтийн тээврийн автобусны жолооч Тувааны Пүрэвбаяр, Ээлжийн инженер Энхээгийн Энхмөнх нар өнөөдөр амьдралд ганцхан тохиох хуримаа хийж, гал голомтоо бадрааж байна. “Зорчигч тээвэр дөрөв” ОНӨААТҮГ-аас төрөн гарч байгаа хосууддаа байгууллага, хамт олноос амьдралд нь аз жаргалын дээдийг ерөөж, жаран жаранд галаа манаж, жаргалтайн дэлгэрийг дуулан явахыг ерөөе.

“Зорчигч тээвэр дөрөв” Орон нутгийн өмчит аж ахуйн тооцоот үйлдвэрийн газрын хамт олон