Дэлхий нийтэд доноруудаас цус цуглуулах гурван төрлийн цэг байдаг ажээ. Харин манай улсад суурин болон явуулын цэгээр цус цуглуулдаг алслагдсан дүүргүүдэд суурин цус цуглуулах төв байдаггүй аж.

         Тэгвэл алслагдсан дүүрэгт амьдардаг доноруудын цаг, завыг хэмнэх, үйлчилгээг ойртуулах үүднээс суурин цэгийг Сонгинохайрхан, Баянзүрх, Хан-Уул дүүрэгт тус бүр байгуулах тухай албан бичгийг НИТХ-ын дарга болон Засаг даргад хүргүүлжээ.  Гэвч албан ёсны хариу, дэмжлэг ирээгүй байгаа гэж ЦССҮТ-ийнхөн хэллээ. Бидний амьдарч буй энэ цаг үед шинжлэх ухаан хурдацтай, өндөр хөгжиж байгаа боловч хүний цусыг хиймлээр, ямар нэгэн зүйлээр орлуулах боломжийг нээж чадаагүй. Тиймээс зөвхөн донор таны цус л бусдын амийг авардаг хэмээн эмч нар ярьж байна.