Он гарсаар менингококкт халдварын дөрвөн тохиолдол бүртгэгдсэн. Энэ халдвараар өвчилсөн тохиолдолд туурах шинж тэмдэг хожуу үед илэрдэг. Иймд тууралт байхгүй байна гээд тайвширч болохгүй, шинж тэмдэг илэрсэн тохиолдолд эмчид хандахыг зөвлөв.

Бүх гэр бүлийн гишүүд хоолой зайлах дадлыг хэвшүүлэх шаардлагатай. Энэ нянгийн гол онцлог нь хатуу гадаргуу, хоолой залгиурт удаан байх шинж чанартай учраас өрөө тасалгаанд агаар сэлгэлт, чийгтэй цэвэрлэгээг хийх хэрэгтэй. 

Улаанбаатарт буй 190 гаруй өрхийн эмнэлэгт өдөр бүр ажлын цагуудаар вакцинжуулалт хийж байгаа тул таны хүүхэд товлолт вакцинд хамрагдсан эсэхийг ягаан дэвтэр, өрхийн эмнэлэгт, И-Монголиагаас харж, хийлгээгүй тохиолдолд вакцинд хамрагдахыг зөвлөлөө.