Нийслэлийн цагдаагийн удирдах газрын 2025 оны "Соён гэгээрүүлэх" ажлын төлөвлөгөөнд заагдсаны дагуу СХД-ийн Цагдаагийн газраас нийслэл, дүүргийн газар, хэлтсийн Олон нийтийн цагдаагийн алба хаагчдын дунд сагсан бөмбөгийн тэмцээнийг өнөөдөр /2025.04.01/ зохион байгууллаа.

Тус тэмцээнд нийт 14  баг тамирчид оролцож, хурд, хүч, авхаалж самбаагаа сорин өрсөлдлөө.

Уг арга хэмжээ нь олон нийтийн цагдаагийн ажилтны ажлыг эрчимжүүлэх, алба хаагчдын чөлөөт цагийг зөв боловсон өнгөрүүлэх, хамт олны уур амьсгалыг эерэг болгох ач холбогдолтой юм.

Тэмцээний үр дүнд багийн оноогоор:

• Тэргүүн байранд СХД-ийн Цагдаагийн газар
• Хоёрдугаар байранд Алсын 3 (Налайх, Багануур,Багахангай)
• Гутгаар байранд БЗД-ийн Цагдаагийн газар тус тус шалгарлаа.

Олон нийтийн цагдаа нь Цагдаагийн албаны тухай хуулийн 63 дугаар зүйлийн 63.10-д зааснаар “Гэмт хэрэг, зөрчил гарсан газар, ул мөрийг хамгаалах, гэмт хэрэг, зөрчил үйлдсэн этгээдийг цагдаагийн байгууллагад хүргэх, зөрчил үйлдсэн этгээдэд торгох шийтгэл оногдуулах, хууль тогтоомжийг иргэдэд сурталчлан таниулах, нийтийн хэв журам хамгаалах талаар хууль сахиулах байгууллага болон бусад хуулийн этгээдээс зохион байгуулж байгаа ажилд оролцох” чиг үүрэгтэй.