Сонгинохайрхан дүүргийн 32 дугаар хороо буюу 22-ын товчоо "Авто худалдааны цогцолбор"-ын ойролцоо олон тооны машин шатаж байгаа осол гарсан гэх бичлэгийг иргэн цахим сүлжээнд оруулсан.

Энэ талаар ТЦА-аас тодруулахад, "Яг одоо шалгаж байна. Шинэ авто худалдааны төвийн ойролцоо машин шатаж байна гэсэн дуудлага мэдээлэл ирсэн. Одоогоор тодорхой мэдээлэл өгөх боломжгүй байна" гэв.

Онцгой байдлын байгууллагаас тодруулахад "СХД-ийн 32-р хороо зам дагуу машин шатаж байна гэсэн дуудлага өнөөдөр 14:40 цагт ирсэн. Дуудлагын дагуу СХД-ийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчдыг очиход 230 орчим боодол өвс ачсан ачааны автомашин бүрэн шатаж байсныг унтраасан."гэв.