Өчигдөр буюу /2025-03-11/-ний өдөр хот хоорондын автобус, эмнэлгийн түргэн тусламжийн машинтай мөргөлдсөн харамсалтай осол гарч, түргэний автомашинд явсан жолооч, эмч, өвчтөн нарын зургаан хүн газар дээрээ нас барсан талаар бид өмнө мэдээлсэн.

Тодруулбал, тус ослын улмаас түргэний машинд сууж явсан зургаан хүн газар дээрээ нас барж, хоёр хүүхэд ГССҮТ-д хүргэгдсэн байна.

Хоёр хүүхдийн биеийн байдлыг ГССҮТ-өөс тодруулахад "Манай эмнэлэгт яаралтайгаар хүргэгдэж ирсэн хоёр хүүхдийн биеийн байдал хүнд, эрчимт эмчилгээний тасагт эмчлүүлж байна. Өөр мэдээлэл өгөх боломжгүй байна." гэв.