Татварын багц хуульд бизнес эрхлэгчдийн өгсөн санал дүгнэлтийн талаар МҮХАҮТ-аас мэдээллээ.

Энэ үеэр Наран Трейд ХХК-ийн Гүйцэтгэх захирал Д.Удвал "Улсад татвар төлөгчид цөөрсөөр л байна.  Жишээлбэл манай компани ил тод худалдаа хийж, НӨАТ-ын 10 хувийг хэрэглэгчээс нэмж аваад улсад цуглуулаад өгдөг. Гэтэл ил тод худалдан авалт хийж, НӨАТ-ын баримт хэвлэдэг газраас хүмүүс бараа авахаа больж байна.

Яагаад гэвэл хэн 10 хувь илүү төлж бараа авахыг хүсэх юм бэ. Тиймээс НӨАТ төлдөггүй захаас бараа худалдан аваад байгаа юм.

НӨАТ-ын хэмжээ манай улсад өндөр байна. 10 хувь байгаа нь бизнес эрхлэгчдийг хумих бодлого.

НӨАТ-ын хоёр хувийн буцаан олголт болон сугалааг болиулах хэрэгтэй.

Сугалааны цаана шударга бус байдал явж байна" гэв.

Мөн тэрбээр, " НДШ-ийн хувь хэмжээгээ эргэн харахгүй бол чадварлаг боловсон хүчин гадагшаа гараад дууслаа. Ажилтан, ажил олгогч хоёулаа давхардаад 20 гаруй хувийн НДШ төлөөд байна" гэв.