Монголын бурхны шашинтны төв Гандантэгчэнлин хийд, Монголын аялал жуулчлалын мэргэжлийн холбоо болон түүний гишүүдтэй уулзалт, танилцуулгыг амжилттай зохион байгууллаа.

Энэхүү уулзалтын хүрээнд Монголын бурхны шашны өв, Гандантэгчэнлин хийдийн түүхэн онцлог, лам хуврагуудын гар урлал, шашны зан үйл, тусгай хөтөлбөрүүдийг аялал жуулчлалын салбарт хэрхэн өргөнөөр нэвтрүүлэхийг чухалчлан ярилаа.

Мөн Гандантэгчэнлин хийд гадаад, дотоодын жуулчдад зориулсан соёл, шашны өвийг таниулах хөтөлбөрүүдийг онцлон сонирхууллаа. Нийт 150 тур оператор компани үүнд хамрагдаж байна.