Сүхбаатар аймгийн Цагдаагийн газрын дарга, цагдаагийн хурандаа Б.Баатархүү:

Жил бүр уламжлал болгон зохион байгуулагддаг цагдаа, дотоодын цэргийн байгууллагын удирдах ажилтны зөвлөгөөн өнөөдөр эхэллээ. Энэ оны удирдах ажилтны зөвлөгөөнийг олон нийтийн аюулгүй байдлыг хамгаалах, гэмт хэрэгтэй тэмцэх, нийтийн хэв журмыг сахиулах ажлыг хийж буй байгууллага, бие бүрэлдэхүүнүүд ХАМТДАА ХИЙЖ, ХАМТДАА ХӨГЖЬЕ гэсэн уриатайгаар зохион байгуулж байна.

Зөвлөгөөний нээж, ЦЕГ-ын дарга, Дотоодын цэргийн командлагч Т.Сүхболд "Дэлхий нийтээрээ цахимд шилжсэн энэ цаг мөчид сөрөг үр дагавар ихтэй байгаа хэдий ч үүнийгээ дагаад бидэнд маш их боломжуудыг нээж өгч байна. Цахим болон зарим шинэ төрлийн гэмт хэрэгтэй тэмцэхийн тулд монголын цагдаагийн байгууллага үйл ажиллагаандаа дэвшилтэт техник, технологийг нэвтрүүлэх, алба хаагчид суралцах, ашиглах хэрэгцээтэй байгаа”-г дурдсан. Цагдаагийн байгууллага энэ ажлаа ч эхнээс нь хийж эхэлсэн. Мэдүүлгийг өмнө нь цагдаагийн алба хаагч өөрсдөө бичиж, тэмдэглэж үлдээдэг байсан бол өнөөдөр Chimege программыг ашиглаж, ажлаа хөнгөвчилж байна.

Мөн камерын нэгдсэн төвүүд AI ашигласан ухаалаг камерыг нэвтрүүлэх, мөрдөн шалгах ажиллагаанд техник, технологийн ололтыг гэмт хэргээс урьдчилан сэргийлэх, мөрдөн шалгах, нийгмийн дэг журмыг хамгаалах ажиллагаанд ашиглах шаардлагатай байна.

Сүхбаатар аймгийн Цагдаагийн газрын тухайд AI ашигласан ухаалаг камерыг нэвтрүүлэх, Chimege программыг ашиглах, цагдаагийн алба хаагчдаа чадавхжуулах, энхийг сахиулах ажиллагаанд хамруулах зэрэг ажлыг хийж хэрэгжүүлж байна.