Эдгээр өдрүүдэд цагдаагийн байгууллагаас тайлангийн хурлаа зохион байгуулж, хамт олноо манлайлсан алба хаагчдаа шагнаж, урамшуулах ажлыг зохион байгуулж буй. Тэгвэл өнөөдөр Сүхбаатар дүүргийн Цагдаагийн газрын тайлангийн хурал боллоо. 

Арга хэмжээнд цагдаагийн газрын дарга, цагдаагийн хурандаа Г.Давааням, Сүхбаатар дүүргийн Засаг даргын орлогч У.Өнөрцэцэг Сүхбаатар дүүргийн Иргэдийн төлөөлөгчдийн хурлын дарга Х.Нямдагва, Нийслэлийн цагдаагийн удирдах газрын Дотоод аюулгүй байдлын хэлтсийн дарга, цагдаагийин хурандаа Ч.Чинбат, цагдаагийн Нэгдүгээр хэлтсийн дарга цагдаагийн хурандаа Н.Батбаяр, цагдаагийн Хоёрдугаар хэлтсийн дарга, цагдаагийн дэд хурандаа Н.Бямбажав болон алба хаагчид оролцлоо. 

Энэ үеэр Сүхбаатар дүүргийн Цагдаагийн газрын дарга Г.Давааням хэлсэн үгэндээ "Сүхбаатар дүүргийн цагдаагийн газрын хамт олон 2024 оноо ололт, амжилтаар дүүрэн үдэж, нийслэл хотынхоо ард иргэдийн аюулгүй, амар тайван амьдралын төлөө, хуулиар хүлээсэн гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах үндсэн чиг үүргээ нэр төртэйгөөр биелүүлэхийн зэрэгцээ, Нийслэлийн цагдаагийн удирдах газартай байгуулсан гүйцэтгэлийн төлөвлөгөөг 96.7, Дүүргийн Засаг даргатай байгуулсан гүйцэтгэлийн төлөвлөгөөний биелэлтийг 95.5 хувьтай тус тус гүйцэтгэж, Цагдаагийн байгууллагаас дэвшүүлсэн зорилго, зорилт, баримталж буй бодлогын хүрээнд бид нэг санаа зорилготой, нэг баг хамт олон болж нэгдэж ажиллан үйл ажиллагаандаа дэвшилтэт технологи, Олон улсын сайн туршлагыг нэвтрүүлэн ажиллалаа." гэдгийг энэ үеэр онцоллоо. 

Энэ үеэр эрхэлсэн ажилдаа идэвх санаачилга, үр бүтээл гаргаж 2024 оны ажлын үр дүнгээрээ хамт олноо хошуучлан ажилласан “Тэргүүний хамт олон, алба хаагч”-ийг шалгаруулж, дүүргийн болон салбарын шагнал, цагдаагийн газрын шагналаар шагнагдсан алба хаагчдад шагнал гардууллаа. 

“Тэргүүний алба хаагч”-аар 

• Цагдаагийн  газрын мэдээлэл, судалгааны ахлах мэргэжилтэн, цагдаагийн хошууч Ганбатын Энхзул
• Цагдаагийн газрын нэгдүгээр хэлтийн эрүүгийн цагдаагийн тасгийн эрүүгийн мөрдөгч, цагдаагийн ахлах дэслэгч Цэвэгжавын Мөнхбаатар
• Цагдаагийн газрын мөрдөн байцаах тасгийн мөрдөгч, цагдаагийн дэслэгч Мөрөнгийн Мөнхбат
• Цагдаагийн газрын нэгдүгээр хэлтсийн нийтийн хэв журам хамгаалах, олон нийтийн аюулгүй байдлыг хангах тасгийн эргүүлийн цагдаа жолооч, цагдаагийн ахлагч Халтарын Түмэннаст
• Цагдаагийн газрын хоёрдугаар хэлтсийн шуурхай удирдлагын тасгийн мэдээлэл, судалгааны ахлах мэргэжилтэн, цагдаагийн хошууч Норолхоосүрэнгийн Удвал
• Цагдаагийн газрын хоёрдугаар хэлтсийн зөрчлийн хэрэг бүртгэх тасгийн байцаагч, цагдаагийн ахмад Баатарзоригийн Базарсад
• Цагдаагийн газрын хоёрдугаар хэлтсийн нийтийн хэв журам хамгаалах, олон нийтийн аюулгүй байдлыг хангах тасгийн хэсгийн байцаагч, цагдаагийн дэслэгч Аманжол Жанерке

“Тэргүүний хамт олон”-оор 

Мөрдөн байцаах тасгийн даргын албан үүргийг түр орлон гүйцэтгэгч, цагдаагийн хошууч Хүрэлхүүгийн Эрдэнэболдын хариуцсан тус цагдаагийн газрын хоёрдугаар хэлтсийн Мөрдөн байцаах тасгийн хамт олон шалгаран шагнагдлаа. 
Мөн “Цэргийн хүндэт медаль”-аар 1, ЦЕГ-ын “Цагдаагийн гавьяа” тэмдгээр 2, “Хүндэт жуух”-аар 1, Цагдаагийн газрын даргын “Баярын бичгээр” 21, Дүүргийн ИТХ-ын Хүндэт тэмдгээр 1, алба хаагчдыг шагнаж урамшууллаа.