Цагдаа, дотоодын цэргийн байгууллагын удирдлагууд БНХАУ-ын НИЙГМИЙГ АЮУЛААС ХАМГААЛАХ ЯАМНЫ ТЕРРОРИЗМТОЙ ТЭМЦЭХ ГАЗРЫН ОРЛОГЧ ДАРГА, ДЭСЛЭГЧ ГЕНЕРАЛ ШИН ЖАНЖЕНЬ ТЭРГҮҮТЭЙ ТӨЛӨӨЛӨГЧДИЙГ ХҮЛЭЭН АВЧ УУЛЗЛАА.

Цагдаагийн ерөнхий газрын дарга, дотоодын цэргийн командлагч Т.Сүхболд, Дотоодын цэргийн штабын Р.Чингис нарын урилгаар БНХАУ-ын Нийгмийг аюулаас хамгаалах яамны Терроризмтой тэмцэх газрын орлогч дарга, дэслэгч генерал Шин Жанжэнь тэргүүтэй зочид, төлөөлөгчид энэ оны 12 дугаар сарын 03-наас 06-ны өдрүүдэд Монгол Улсад ажлын айлчлал хийж байна.

Тус айлчлалын хүрээнд Дотоодын цэргийн штабын дарга, бригадын генерал Р.Чингис зочид төлөөлөгчдийг хүлээн авч уулзан, харилцан санал солилцож, албаны төлөөлөгчид Дотоодын цэргийн байгууллагын “Хүндэтгэлийн дэвтэр”-т сэтгэгдлээ бичиж, 05, 805, 809 дүгээр ангийн үйл ажиллагаатай танилцлаа.