ЦЕГ-ын Мөрдөн байцаах албанаас өнөөдөр /2024.11.22/ Улс тунхагласны 100 жилийн ойг тохиолдуулан гэмт хэрэгтэй тэмцэх хуулиар хүлээсэн үүргээ нэр төртэй биелүүлж, идэвх зүтгэл гарган ажилласан 15 алба хаагчдад цагдаагийн цол, шагнал гардууллаа. Шагналыг МБА-ны дарга П.Очбадрах, дэд дарга Б.Батдэлгэр нар гардууллаа. 

Тодруулбал, 

- Монгол Улсын Ерөнхийлөгчийн зарлигаар “Цэргийн хүндэт медаль”-аар 1,

- Хууль зүй, дотоод хэргийн сайдын  тушаалаар “Хууль зүйн албаны Тэргүүний ажилтан тэмдэг”-ээр 1,

- “Цагдаагийн алдар” тэмдгээр 2,

- “Хүндэт жуух бичиг”-ээр 4,

- Цагдаагийн ерөнхий газрын даргын тушаалаар “Цагдаагийн гавьяа” тэмдгээр 1,

- “Хүндэт жуух”-аар 1, “Цагдаагийн албаны төлөө II” зэргийн медалиар 5,

- Хугацааны цагдаагийн ахмад цолоор 1, цагдаагийн ахлах дэслэгч цолоор 1 алба хаагч тус тус шагнагдлаа.

Цагдаагийн цол, шагналаар шагнагдсан нийт алба хаагчдад баяр хүргэж, цаашдын ажил хөдөлмөрт нь өндрөөс өндөр амжилтыг хүсье.