Гаалийн ерөнхий газраас  байцаагч нарын хөрөнгө орлогын мэдүүлэгтэй холбоотойгоор 11 гаалийн байцаагчийг АТГ-т шалгуулахаар өгчээ.

Энэ талаар  албан бичгийг өчигдөр буюу арваннэгдүгээр сарын 21-ний өдөр явуулжээ.

Уг албан бичигтээ, "ГЕГ-ын харьяа Улаанбаатар хот дахь гаалийн улсын ахлах байцаагч Б.Охиноо, Б.Солонго, Б.Төгсбаяр, Т.Дулмаа, Л.Долгормаа, гаалийн улсын байцаагч Ж.Алтанчимэг, Ч.Байгалмаа, Д.Саранцэцэг, Х.Энхтуяа, Д.Цэцэгсүрэн, Ж.Булга нар Авлигын эсрэг хуулийн 10 дугаар зүйлийн 10.3-т зааснаар  гаргасан хөрөнгө орлогын мэдүүлэгт үнэн зөв мэдүүлсэн эсэхийг шалгуулах нь зүйтэй гэж үзлээ. " гэжээ.